ابیات موال فی حق امیر المومنین علی ع
یا من حکم بالعـــــداله و ثبت حقا" وطر
و بذوالفقاره اعتلاهه و کر مضدهه وطر
برجاک طیر العـــدل امهل زمـانا" وطر
احنه ابرجا المهـدی المندوب الک عجّله
یمته لابو صالح اخیول و نری عجلـه
کلنه من الجور و الـــــذلّه نحث عجله
ونحیی ضنوة علی باکمل عــــداله وطر
بالطیف لو تلتفت افــــدی من اجل بشراک
یالذولفقارک بتر هــــــــــام و حسم بشراک
و المصطفی ابطایر المشوی انوحی بشراک
یا مــن الف باب کل باب بالـــف علّمــــــــه
الهـــادی و رفــع منزله و صار الولی علمه
ابلمحت الطیف التفت یــوم الحشر عــلمــه
یا ساقی الحـــوض و اسعدنه بأمل بشراک
روحی سقیمة هـوی الحب حیدره هاویه
لاذت ابشخصه الیذب عنهه من اذل هاویه
لاتعجب الهالــــــــــرجا سعدی گبل هاویه
و بسعد وجدی انسعد واصبح صفی ویهین
یوم المعاد ابتری مـــــــــن الحچـــو ویهین
طبعا" خوی النبی الحـــرب الکفـــر ویهین
یشفع لعــد شیعته مــــــــن تسعر الهاویه
روحی ابتدارک امــــل مــن هـاویه الحامیه
جارت بأمیر العـــــرب مـــــا لن کفو حامیه
ساعه و لدی المحتسب بالملتقه حامیه
و اشّر المثلـــی البشر یـــوم الحـشر بشره
ابشده الیشدهـه العمل مـــا تنوجد بشّره
آدم الـربـــــــه اصطفاه واعله الوحش بشره
حضّره مـن المکفره ینصان مــــــــن حامیه
یا داحـــــی الباب مــن قلعة حصن خیبره
ذکـــرک یسلّی النفس و الیهجره خیبره
راجیک یــــا سیدی خطلی ابحشر خیبره
یا حاضـــر المعزله ابشده و رخـا لوّحک
من های نوح النبی ابساری السفن لوحک
یونس یبا الغیث هـــم بیک اقتدی ولوحک
آنه لـــــدی الملتقه برجـــاک لا خیب اره
یخشی ابصلاته علی مـــن خـــالقه بثّنه
ضده ابصحف صرّحت باکی و وجِِل بثنه
لکن ابیوم الحــــــــرب باسم بطـــل بثّنه
یافع الیم البصر مــن شطر مــــرحب و کر
وجیوش اهـــل الجهل یا ما هزمهم و کر
بخلاص نفسه اتقه و اعله المــراتب وکر
خص له الزکی المصطفی والشیعته بثنه
حید الحضیت الوقا و کـــم ذولفقارک ولیَ
جیش الشرک یا علی وصرت الوصیهه ولی
ثبتت دین الهـــــــــــــدی ابردع الاراقم ولی
استسلم عله مــــوردک نال السعاده وسلم
الشیعتک یا شفیع اصبــــحت سنوه و سلم
یا طــــــود هــــذا الذی و ربک بعثلک سلم
آنه الذی اتوسّلک تشفع الــــــــــــی یا ولی
بس انته یا حیدره ساجــــــد هـــــدی ابخاتمه
و احــــــروب نصر الهـــدی بامهنّدک خاتمه
عــــامـــــل ابنصّ الجلیل و دارسه خـــاتمه
لک شمخ بالعـــــــز مجـــــــد یالمتقی منصبه
و الهای رب الجــــــلاله قـــــــدّرک منصبه
حضرتک للمعتدی خصّ ابــــــــوزن منصبه
لکن ابدرب الهـــــدی بصـــــــوابک الخاتمه
من صولت المرتضی انهار الشرک یاعلی
و اشهد ابرب و نبــی گــــــال النبی یا علی
لو لا الجلاله الــــذی اختارک اذا" یا علی
خصک ووصه النبی ابقـــوله وصرتله ولی
من عــاند و واجهک ارقــــــم هــلاکه ولی
ما واجهک و انهزم مــــن صارمــک یا ولی
صاح و لجأ مستجیر اسلم الــــــک یا علی
نجل البکعبه انولد باسمه انوصف حیدره
ضده ابکریهه اندحر و الّی سگــم حیدره
زمــــجر ابیوم الشزر مـــن واجهه حیدره
لک حیــــد مــــا نازله و رب البشر جلّا
و ابذولفقاره الــــــوف من الشرک جــلا
جیل الکفر هــاویــه و ضنوة علـی جیلاه
للدین ضحّو سلاله الطـــــاهره الحیدره
رتبت علــی اتمیزت باعله الرتب منصاب
رب البشر من شطر مرحب شطر منصاب
جل الرگـــــــا مرتبه ابخوته النبی منصاب
و انتشه ابگــرب النبی و ابموقفه ما حاد
غیره الثبت و ابشرع حـــد للقضی ماحاد
حیدا"مثل حیدره اتوحــــــــــــد ابد ماحاد
بس النبی المصطفی المن جانبه منصاب
لولاک یا بالحسن منهو الیـــــــــکر بالهام
و اینیب هم النبی لـــــــــو یشرچه بالهام
ما شیّدو دین لاجـــــــل المصطفی بالهام
کــاس الضلاله ارتــوو یوم الحشر وارده
بستان دین الهــــدی مــن صارمک وارده
نرجه الشفاعه غـدا" من حضرتک وارده
یالبلوقه امهنّدک فیده حصـــــــــد بالهام
حیدر ابطاعه وتقی اکسب ثقـــــــه ومنزله
ابهمته ملاِ استسلمت تعمل بأمـــــــر منزله
ینعم علــــــه المهتدی و ینهی التقی منزله
الهای کثره الحـروب ابضل صفیهه اشراک
خندق وبدر و احــــد ذ َل ذولفـقاره اشراک
نطمح ابشخصه ونثق یشفع الشیعه اشراک
یوم الحساب و یرج للّــــی خطه منزله
یا ابا الغیث الــــــذی یشفع لِمن رجّله
و ابشدت الملتقی عمـــر ابن ود رجله
منهار صار الکفر جیشه و غـــده رجله
و استسلم المکتبه و اتوجّبه یاحــــــد
یا شارع امــر القضا الحــــد القضأ یاحد
لولاک مـــا اشرق انواره الهـــدی یا حد
انته الأمیر الــــذی خاوه النبی و رجله
گلبی لعد حیدره ابنار المسعره مجد
بالنفس اجودن اله وللغیر شعره مجد
من حیث باب الفرج یملک کرامه ومجد
والیعتنی الگبته مغفور ذنبه وصل
وگلبی ابوداده اشد من یوصلونه وصل
لن ادری مهما صمت و مهما ازکی وصل
من غیر حب حیدره ابیوم القیامه مجد
= = = = = = = = =
سیر اعله درب المجدوامشی ابعداله وجد
ومنی اخذ هالدرس لا اب ینفعک وجد
فاز الذی ابحب علی صان العقیده وجد
من حیث رب البشر بعد النبی نصبه
وباللوح یم العرش واضح علی نصبه
وللی یعادی علی و یعلن علن نصبه
بالحشر نفسه ابوسط نار المسعره وجد
الشاعرعبدالحسین الباوی
یا صاح دین النبی ابدم المكارم علی
ولی یذد هل حچی حتمن ابگلبه عله-علی
ادری ابكلام النزل ابگلبه یشتم علی
منحیث بسم الوصی دائم مفترح سنی
واشما طال بیه الوكت و اشما كبر سنی
افتخر افتخر شیعی اذل ما انگلب سنی
او ما اقبل ولایت احد غیر الولایت
علی
+ نوشته شده در چهارشنبه دهم آبان ۱۳۹۱ساعت 20:11 توسط بچه خاکی
|
