يا منتصف شعبان
يا أحـلـى يـوم من السنه ... ارحـمـني يا يوم المـُـنى ... للـمـنـتـظـر مـشـتاق أنه
يـا مـنـتـصـف شـعـبـان
*****
قلبي عـلى فـراش الصبر ... يحـتضر ... نبـضه يتجادح جمر
كل لحظه تقضي من العمر ... أنـتـظر ... يمـته ما أدري تمر
ظـلت بـكـيفك بـعـد ... صار بيدك موتي
لو تجيني ويه السعد ... لو تجي بتابوتي
تدري شكثر ولهان
***
مـتـربِّـع بـعـيـنـي السهر ... للـقـمـر ... مـا أعـاين كـل أثر
أصرف علـى الـدرب النظر ... بالقـهـر ... لـلإمـام الـمنـتـظر
بس أخاف من القدر ... بيك شاغل بالي
خاف ويـّـاك الدهر ... ما يجيب الغالي
ظل الفكر حيران
***
أعزف على أوتار الخـجـل ... يـا أمـل ... قلبي ما أدري شحصل
اعذرني لو طـرني المَـلل ... لـو جـبل ... قلبي هم صاح العَجَل
يمته بدرك ينتـشر ... بالعـوالم نـوره
نـاشر بـجـفه سحر ... رايته المنـصوره
مو طالت الأزمان
***
يا أحـلـى يوم لكل مـحـب ... أرتـقـب ... موعد الـحـب يقترب
أنسى لـحـبـيـبـي لا جـذب ... منـكـتـب ... موعده بقلبي الرحب
آه لو يرجع إلي ... وياك ساكن روحي
بلا حبيبي الأولي ... مـا تطيب جروحي
هم تنطفئ النيران
***
ما ترحم بـقلبي الـتـرف ... مو كـلـف ... حـاله لا مـا ينـوصف
ظل رمشي بـغـيابك يرف ... أعـتــرف ... بـالـقـلـب فاض النزف
بلسم جـروح القلب ... الحـبيب الـغـايب
لازم لـجيته الدرب ... للرجوع مـراقـب
ناطر عظيم الشان
***
ما ينـقـطع حـبـل الوصـل ... بـس يظـل ... فـكـري ويـاْهْ منشغل
بـظـهوره يـلـتـمّ الشـمـل ... مـا أمـِــل ... قلبي بـس مـا يحتمل
آه يا يـوم الـيـجي ... المهدي منّ غيابه
أدعـي اَلله وأرتـجي ... يـرجّـعه لأحبابه
يا ربي يا رحمن
***
2 - شعبان - 1431
بدرة
كلمات الشاعر الحسيني العراقي
عمر فاروق البدراوي
+ نوشته شده در شنبه دهم تیر ۱۳۹۱ساعت 11:3 توسط بچه خاکی
|
